اسلوب حياة بقلم شيماء عادل
كل اللي جاوبو الاسئلة
تاهت سطورهم بين رماد العمر
لما السنين ضلت طريق المجتهد
لحظه سقوط الاقنعه
وسط ازدحام الخلق بكل تفاهات الامور
صبح الغرور
اسلوب حياة للاغبيا
ممنوع اكر الخيط
رغم اني لسه الجرح مش لاحم
كل اللي عافرو واتنططو على الحيط
كسرت ضلوع صبرهم والله قشايه
جايز تضحك كل خلق الله
رغم الوجع
طبقت قلبك م الوجع طبقات
عليت مراتب حزنها بدرجات
شيبت لون الفرح
مستني خطوه تقرب المسافات
كل اللي فات
مبنى على عمرك
كان حلمي بيغني
ف وقت لما كان
الغنا ممنوع
ضميت عيوني
جايز
ف نص الليل
الصبر يبقي النجاه
قلبي اللي تاه
رافض عيون الكون
ترسم خطاويه
كل اللي جاوبو الاسئلة فاشلين
تايهين
مابين الضحكه والاحزان
الضي فارد نصه من غير روح
العمر مجرور بالساعات
سابح ما بين الحلم وحقيقة الايام
رامي بشراع الخوف
على حلم متمرمغ بواقي من الرضا السكران
شُطئان بتغرق من عيون قلبك
ما عادش الذنب من حقي
ولا التوبه ترد الروح
التعليقات مغلقة.