ع المصطبة بقلم الفلاح الفصيح معوض حلمي 

ع المصطبة بقلم الفلاح الفصيح
معوض حلمي

  فاكر  لسه
 خبيز  الفرن

ولعب الجورن
ولعب السيجا
ولعب القال
كنا بنلعب
وسط الحاره
القطه العاميه
ونط حبال
كنا بنسرح
مع اهالينا
كنا بنجمع
غيط القطن
وشط الباميه
وكنا عيال

 والعصريه 
اللمه   كتار
  كنا  بنقعد 
ع المصطبه 
قدام   الدار
ستي   ولمه

جيران حواليها
كنت باحب
القعده معاهم
نضحك سوا
وقلوبنا خضار
نحكي حكاوي
الواد فطوطه
والفوازير
حلوه وملتوته
وتحلى الغدوة
بجبنه قديمه
وحتة قوطه
وفلفل حار

   كنا  نموت 

لو مره هانسمع
صوت الحاج شفيق
في حارتنا
كنا نخاف
لو يجي حدانا
كان بيغزغزنا
في جتتنا
نهرب منه
ويجري ورانا
زي المهر
وطاير طير
عبى سرنجه
قوام وادانا
حقن طرطير

 كنا   بنرمح
رمح  حصان
 كنا  بنجري
كما  الرهوان

واحنا صغار
في ال ابتدائيه
كنا نخاف
م الشيخ رمضان
نجري ف حضن
الخاله بهيه
لما يعدي
بنرجع تاني
نلعب تاني
وتضحك هيه

 وكان  دكان 

الحاجه نجيه
مشهور جدا
في المنشيه
وكنا نلم
كيزان الدره
والزرعه عفيه
ونجري عليها
تقول بسم اللا
عشان ترضينا
وتملى إيدينا
لبان ألوان
وحلاوه كرمله

وكنا بنلعب
في الهبصايه
جنب مرشح
لم صبايا
واحده بتغسل
في البلاص
وواحده بتملى
ف دورها الزلعه
وكنا سواعي
نولع شمعه
لما الليل
بيهل علينا
قبل النور
مايخش بلدنا
ويدقوا العمدان
حوالينا
قبل النت
وشورته السودا
قبل مراقيا
وشط مارينا
………………………
بقلمي الفلاح الفصيح
معوض حلمي
منشأة بطاش
تمي الأمديد
دقهلية