ومش حاشكي بقلم جمال زكي عينر
ومش حاشكي ومش حابكي
ومش راح اعيش في احزاني
ولا ع الماضي راح احكي
ومش راح احن لزماني
زمان القسوة عدى وراح
وانا مش ناوي افكر فيه
ومش ناوي اداوي جراح
ما دبل الجرح باللي فيه
حعيش عمري اللي باقي لي
ولو كان ساعة او لحظة
وحابعت للهنا يجيلي
واعيش وياه ولو لحظة
حاعود عيني ع البسمة
خلاص ماعادتش تزرف دمع
وحاخطف م الهوا نسمة
واقيد ليلي بضي الشمع
وحاكتب ع الشموع شعري
لنفسي واحكي عن نفسي
ومش عايز دموع تجري
تكون همي وسبب ياسي
خلاص ما خاصمت احزاني
ولملمت اللي راح مني
ورجعت فرحتي تاني
يا هم ابعد بقى عني
التعليقات مغلقة.