وحاكتب شعر بقلم جمال ذكى عينر
وحاغيظهم وحافرسهم
وحاكتب شعر واخرسهم
حتبقى كلمتي لودر
حيطحنهم ويهرسهم
كلامي وشعري ع الواحدة
وع الفرازة حرف بحرف
باخش سجال وباتحدى
في إملا وحتى نحو وصرف
وباكتب شعر بالفطرة
ومن يومي وانا موهوب
ده ربك صاحب القدرة
ما اهو ربك ده رب قلوب
.
ما تيجي مرة وتحاول
وتسمع كلمتي مني
ونقراها ونتداول
حتعرف قد ايه فني
ومش متعالي ولا مغرور
لكن نفسي الاقي ف يوم
بدال الضلمة يبقى في نور
ويبقى الحب دايم دوم
فليه الغيرة بين الناس ؟
وليه الحقد مالي قلوب ؟
وليه الشك والوسواس ؟
وليه عايشينها بالمقلوب ؟
التعليقات مغلقة.