( انا واد غلبان ) … جمال زكي عينر
قالت لى اوعى تكون صدقت
انى بحبك وانى وقعت
وانى يا واد دايبه ف دباديبك
فاكر نفسك حلو وفت
هو انت ما بصيتش لنفسك
ولا شفتش شعرك ولا لبسك
عايزة انا واد حلو ومتروشن
وبيفهم في الموضة والست
ايوه صحيح انا واد غلبان
بس باصون العيش والعشره
عمرى ما اخون فى الكون إنسان
ولا اغير فى اللون والبشره
ولا زى شباب الايام دى
بيقضوها وكله يعدى
مصروفهم من مامى ودادى
انا باكل من عرقى وكدى
مش عاجبك شعرى ولا هدومى
ولا عاجبك منظرى ولا شكلى
عمرى ما الف بكلبين رومى
ولا كوافير نسوان يحلق لى
انا عمرى ما أفرط فى مبادئى
ولا حانسى كنيتي ولا أصلي
علشان عارف مش من حقي
إني اسيء لعشيرتي واهلي
روحي يا حلوة شوف لك واحد
رابط شعره بتوكه وآستك
واما يشوف راجل يتاخد
لبسه حريمي بيشبه لبسك
بقلمي الشاعر جمال زكي عينر
التعليقات مغلقة.