لمين هواكي …معوض حلمى
أنا كنت سارح بيكي في الملكوت
وسمعت صوتك شدني وسرحت
قالوا لي عنكي حلوه زي التوت
وشوفت نورك فاهتديت وارتحت
والحب عندي مصدره الإلهام
صفصافة وارفه وضلها وناس
والعش مش ولفين وبس كلام
العش بحر هيام بيعمره الإحساس
وانا اصلي عاشق نسمتك وتطيب
وتنام على كتفي زي الوليد في اللفه
ويصحي قلبي يبقى ليكي طبيب
ولو يحس البرد يحضنك يدفى
كدب اللي قال عنتره ومقالش عن حالي
وحبيبتي متعطره وسميتها نن العين
كتبت عنها الشعر فاتحنى موالي
وسهرت ياما الليالي أحرسها م الحاسدين
الحب عندي مبتدى الاشياء
وانتي البدايه المعجزه الكبرى
مسيتي روحي فاتملت أشواق
والحب يحلى وانتي ع الفطره
مدت خيوط النور تمس الروح
تاخد بإيدها تنتشي وتطير
فيميل هواها يحط ع المجروح
فيطيب ويبرا ويبقى زي أمير
وجريت وراكي الخطوه والمشاوير
فتحت ليكي المينا والمرسى
لمين هواكي ياأجمل التصاوير
حطي على شطي خلي الظنون ترسى
خلي الحروف تكتب عن حبنا الأساطير
خلي الحروف تكتب عن حبنا الأساطير
……………………………………………
بقلمي الفلاح الفصيح
معوض حلمي
منشأة بطاش
تمي الأمديد
دقهلية
التعليقات مغلقة.