كفاية كسوف
بقلم شيماء عادل
اليوم بيفرح كل توب مغزول
بشمس منوره صافيه
وقلبي م الفرح مسطول
وبوصل بالفَرَح روحي
وبحضن حلم من عمري
بغني للفرح مواويل
وبعشق كل ضمة قلب فرحانه
وبوصل موجة الافراح
على الهادي
برش الملح تتزين بنات الحور
وانا وانت نلف بحور
وتجمعنا سنين الصبر
يا فرحة من الجمال طايره
يا شوق ف القلب متخبي
كفاية كسوف
بخيط فرحتي بالوان
سنين قدام
هتتمايل
يا عمر م الفرح طاير
حاضني بشوق
واخدني لفوق
وانا وانت نكون راضيين
ونزرع م الفَرَح فدادين
ونحصد زرعنا افراح
انا وانت ليوم الدين
التعليقات مغلقة.