بلسم الروح بقلم احمد إبراهيم النجار
مش بأيدي اني ابني
وهم عالي ف الفضا
اني اخدك فوق حصاني
او اكون عايش هنا
فوق دروبك
او اقرب ليكي والمس
طرف توبك
او اشرّق ويه شمسك
او اغرّب بين غروبك
اللى مالكه بس قلبي
ويه روحي بتناديكي
بس عايش حلم واخد
روحي ليكي
يا حنيني يا سنيني
يا ملاك يا جميلة
في حلم عمري
نفسي المس يوم ايديكي
نفسي احضن يوم عنيكي
نفسي اشوفك يا ملاك
ع الدرب باين
بدر عالي فوق سحاب
ياوطن اجمل وطن
يا جمال كل المدايّن
قلبي هايم فيكي فيكي
روحي ليكي بتناديكي
لو تغيبي عني لحظه
بالاقي فجري عني غايم
يا نسايم فوق ربيعك
فوق ورودك فوق عبيرك
ع المدي يا اميرة بتوب وتاج
والرموش متكحّله
بعدي عنك لو ف ثانيه
يكون هلاك ليكي بشتقلك انا
يا خديجة يا اميرة
بقلب ابيض روح بتعشق
شمس نورك
مين ف حسنك
او في فكرك
او بروحك
مين ف وصفك
او في عطرك
او بسحر جمال عيونك
يا جميله يا اميرة
يا سفينة النجاه
بحر حبك ورد خدك
قلبي حبك يا ملاك
يا حبيبت قلب عاشق
عشق فاق كل الحدود
بين شفايفك الحياة
لو بعدتي ف يوم اموت
يا حورية ف بحر هادي
وموج حرير
لو افكر انسي حبك
صعب والله ومستحيل
فينا روحنا وقلب عاشق
مهما عدت السنين
الحنين ف قلوبنا ساكن
والعيون متشوّقين
التعليقات مغلقة.