ابدر تقاوى الحب بقلم جمال زكي عينر
ابدر تقاوى الحب
تطرح رضا وحنان
حب الجميع تتحب
تلقى الفرح بستان
ياللى بتزرع خير
ع الخير ما تندمشي
وإن حتى نكره الغير
زيده ولا تلومشي
الخير بيمحي الشر
والشر ما له مصير
واللى ناويه بينضر
والسهل يبقى عسير
خليك في حب الله
في رحابه عيش وامشي
واللي ابتلاه الإله
واسيه ما تشمتشى
ده الحب بين البشر
زى القمر فى سماه
لو شاف ضياه الحجر
ينطق يقول الله
التعليقات مغلقة.