الأرزاق ألوان بقلم أسـمـاء الـبـيـطـار
نعم الأرزاق ألوان و ألوان جميلة لكن المهم إننا نشوف جمالها في وقته مش بعد ما تنقطع .
نفسر كلامنا
كتيييير مننا إلا من رحم ربي مفكر إن الرزق مال ، لكن لما الدُنيا هتمشي بيك شويتين هتدرك إن المال دا أبسط ألوان الرزق .
اللي من خلاله بنحقق بعض أحلامنا .
و هناك أحلام لو إجتمع معنا مال الدُنيا لن يستطع المال أن ينالها !
زي الصحة و الفَقد و الحب و الإهتمام و و و
لكن ..
هناك ألوان آخري من الأرزاق يجب أن نحافظ عليها قبل أن تذهب و تزول
و أجمل هذه الأرزاق نعمة وجود أشخاص بعينها في حياتك
زي الأب و الأم و غيرهم من الأهل اللي أرواحنا متعلقه بهم .
حقيقي رزق إنك تلاقي حد بيدعيلك دون أن تطلب منه .
فاكرك و دايماً في باله و بيسأل عليك .
ما لوش حاجة في الدُنيا غير إنه يشوفك دايماً بخير .
بيحب دايماً يشوفك سعيد و مرتاح .
و الأجمل من ذلك أن تكون أنت أيضاً لهم رزق
بالبر.. و صلة الرحم.. و المودة .. و الرحمة .. و العون في وقت
الحاجة .
و حفظ الجميل لهم في الكبر باللطف .. و اللين .. و لن أبالغ إن قلت ألزم أقدامهم .
و أكتر حاجة هتدركها مع مرور الوقت
” إنك لا هتفضل تدي و لا اللي قدامك هيفضل ياخد “
لكن ..
ممكن تندم إنك ما قدرتش تدي أو كسلت أو أهملت أو أو !
صدقني وقتها مش هيفيد أي ندم .
و من ألوان الأرزاق الجميلة أيضاً .. الإهتمام
إيه دا هو الإهتمام رزق ؟!
من أحب ألوان الرزق إلى النفس الإهتمام لانه دليل على الحب .
و نفرق بين الإهتمام و الفضول لأن حقيقي شعرة تفصل ما بينهم .
و الإهتمام .. يعني محبة و عتاب و خوف و حماية و سند و و و
و إحذر أن تألف الإهتمام فتُهمل من يهتم .
لأن الإهتمام إن لم يكن متبادل تأكد إنه لن يدوم لأننا ببساطة بشر .
أولادك رزق و نعمة كبيرة في حياتنا
ساعات كتير بننسى إنها ممكن تروح مننا بالإنشغال بترتيب دنيتهم
من دراسة لعمل لجهاز لجواز لـ لـ لـ !
و بننسى نهتم بتفاصيلهم .. بروحهم .. لحاجتهم الروحية و النفسية لينا لحد ما بيدخلوا في حالة عدم لامُبالاة لما تفعله من أجلهم .
الرزق إنك تحتوي أولادك مش إنك تكوش لهم على الدُنيا اللي بين يوم و ليلة ممكن لا قدر الله ما يبقوا فيها .
ووقتها أي ندم وجع قلب على الفاضي .
الخلاصة الرزق في حياتنا ألوان كتيييير
لكن المهم إنك تدرك إنه رزق و ليس هبه
و لكنه سيتحول إلى هبه إن حافظت عليه و بادلته العطاء و أدركت إنه نعمة ممكن أن تزول في أي وقت .
و حقيقي و إن زالت و كنت فعلت ما عليك ستكون براحة بال و طمئنينة نفس جميلة و لن ينقصك شئ إلا تكرارها مرة أخرى .
حافظوا على الأرزاق في حياتكم فهي نعم لن تتكرر .
التعليقات مغلقة.