( إديني حياه تانيه ) …
جمال زكي عينر
ادينى حياه تانيه اعيشها
وانا ادلع نفسى وافرفشها
الدنيا كتير حطه عليا
انا نفسى ف يوم اقصقص ريشها
اديني حياه تانيه جديدة
نفسي اسمع يوم جملة مفيدة
وابعدي عني الحزن يا دنيا
انا نفسي اعيش دنيا سعيدة
اديني حياه حلوة هنيه
مليانه محبة وحنيه
فيها ناس بتخاف على بعضيها
فيها ناس بتحب الملاغيه
اديني يا دنيا ما تاخديشي
طول عمرك تاخدي ما تديشي
طاوعيني وكوني ملك ايديا
طول عمرك رايحه ما بتجيشي
بقلمي الشاعر جمال زكي عينر
التعليقات مغلقة.