الطفل البرئ جدا بقلم شيماء عادل
الطفل البرئ جدا
بقلمي
شيماء عادل
انا الطفل البرئ جدا
وبرسم ليا عصفوره
تطير بيا
انا بروي الغيطان ميه
ف كراستي
انا همسي مالوش اخر
وبرسمني ف دايره
حلوه على قدي
واسطر بالورود عمري
وبحلم مره اكون فنان
وماله لو اكون دكتور
ما انا عيل بمريلته
سعيد فرحان
اجيب طباعه
ترسمني كما الدبدوب
انا الشاطر ف مدرستي
انا اللهلوب
انا حافظ لقرآني
بصلي واصوم
اصلي الفجر يوميا
ما اعديش يوم
انا الطفل البرئ جدا
وبسال امي عن ربي
تجاوب امي بسهوله
ولاتسيبنيش
ويومي طوييييل ولا يعدي
لو امي تيجي تسالني
(ماهي أركان الإسلام؟)
وما تلاقينيش اجاوبها
بسرعه بفتكر جداااا
انا شاطر اوي جداااا
يا ميس سيبيني ف الرحله
الف وادور
بكون فيها اوي مسرور
واغني وايا اصحابي
وبكبر سِنه علي سِنه
وتفرح امي بالحنه
ف ايدين الولا الامور
التعليقات مغلقة.