أنا فوقت بقلم مها الخواجه
أنا فوقت
إن جيت للحق
انا قلبي….اهو فاق من أوهامك
واتظبط الدق
فتحت عيوني على خداعك
وعرفت الحق
بطلت خلاص إني أصدق
حكايات بتقولها….عشان تخلق
لوجودك صوت
يتمكن من نبضي وقلبي
يخضع ويرق
حكاياتك كنت بصدقها أتاريك……كداب
بتاخدني لسكة ونهايتها….بلاقيها سراب
واهو فوقت خلاص من ألاعيبك
وقفلت الباب
وآمنت بإنك ما هتبقى…..ولا كنت ف يوم
الكتف اللي ارمي عليه ضعفي
يسندني واقوم
التعليقات مغلقة.