معدوم ضميرك م الألم بقلم شيماء عادل
من غير ما قلبي يزعلك
قلبك بيزعل ليه بقا
حابب فراقنا اللي انكتب
وعملنا ايه باللقا
كتب الزمان على قلبنا
نزعل ونبعد مننا
ضل الطريق وبعدنا ودفعنا التمن
قلبك ضعيف لا يؤتمن
زعلان بدون ولا اي شي
وانا دمعتي صبحت تمن
ايه اللي غير ضحكتك
قلبك بيقدر ع البعاد
وانا قلبي يتقطع حتت
معدوم ضميرك م الالم
وانا قلبي اقسم ١٠٠قسم
ما في يوم هيرجع تاني ليك
كام مره جيت وناديت عليك
وانت بتعمل مش هنا
يا ابو قلب داس على قلبي انا
التعليقات مغلقة.