حاسب على نفسك بقلم الشاعر جمال زكي عينر
حاسب على نفسك حاسب
مش راح الومك ولا اعاتب
تظلم تعدل تتجنى
في رب كريم بيحاسب
اعمل يا حبيبي ما بدا لك
انا مالي يا روحي ومالك
اهجر اغدر اتبدل
انا مش عمك ولا خالك
فاكر نفسك حتغيظني
وعمايلك حتنرفزني
انا خدت خلاص على بعدك
لا حشاغلك ولا تشغلني
حتعيش عمرك بتحور
ولا عني ف يوم حتدور
وسنينك ترحل عنك
ولا عمرك يوم تتغير
ولف على غيري ولوف
وانسى الخير والمعروف
لا حتلقى ف يوم حنية
ولا زيي ف يوم حتشوف
ماعادتش بتفرق عندي
وبقول اهو كله يعدي
لكن لو كنت حعاند
مش راح تقدر على عندي
امشي براحتك واتطوح
حيجي لك يوم وتروح
لكن على بيت غير بيتي
وحتبكي كتير وتنوح
التعليقات مغلقة.