في يوم تلاقي .. قبل التخلي…
أحمد زيدان
الزهايمر مش كفايه
امحي بيه الذكرى اللي باقيه
ولا ميت زهايمر
يقدروا
يخدوني منك
خطي فوق خط النهايه
البدايه الأولي حلمك
فاكرة ناسيه مش قضيه
كل احساس جوا مني عاش ضحيه
فاكره اني هقول نسيت
و راجعه تاني تسألي ….
امتي كان يوم ارتباطنا
ردى جاوبي عرفينى
قولي فاكره …قولي ناسيه
هو هو الحب نافله
ومكنش فرض
ظلم بَين
حس هَين
عدوي كافرة …
و اتوزعت ع الأرض
ساقيه دايره …. و توته طارحه …
و ضل فارش …
فيكي سارح …
اتاريني حابب أتن هامش
كأنه قرض ….
و خمول ف سلعه …
ناره ولعه …. شعله شايطة
ف الشوق اللي بايش
و كل اللي حبوا بجد …. جواهم جراح تنعد …
يجي شاري …
عشمان بفرحه …
من بايعه جارحه …
الحب القديم
السلعه بايره …
و السوق مفارقه ….
و السعر باخس ماهو حب يائس …
مش عالصراط المستقيم
الخاين مهوش غلطان …
و الغافل مهوش كسلان …
قلبه الأمين صدق ….
كدبه عشقها زمان
انا مستحيل انشق …
انساكي لو ثانيه
عايش علي جرحي
و حاضن الشوق اللي باقي
في يوم تلاقي …. قبل التخلي أحمد زيدان
التعليقات مغلقة.