خيوط مركبي
كلمات
شيماء عادل
ما عادش بيني وبينك
غير وهم جوايا
باصص علي مرايا
عاكس بواقي الفرح من يمك
وانا قلبي كان همك
ساعة ما دست الصبر جوايا
ودفنته ويا الوجع
لملم بواقي الدمع
ويا الكفن جوابات
يجوز دموع الوهم
تجمعني بالاموات
أوقات
بحن للقلب اللي مات
ساعه ما ودع ضحكتي
وقت أما فرش الأرض
من كحل العيون مسافات
طويت خيوط مركبي
يجوز تسَنِد قلبي وقت أما
الحبال تدبل
وروحي من الوجع تطلع
تشاور للي يسندها
تلاقي الموت فرد ضله
علي كتفي
يسايس فيا وقت اما
ضلوعي تدوب من السكرات
هلاقي الجنه تضحكلي
كفايه شبعت ف الدنيا من الحسرات
التعليقات مغلقة.