دخل الشتا بقلم شيماء عادل
دخل الشتا وقفل البيبان ع البيوت
جمع الأحبة بشوق
فرغ طاقات السكوت
دخل الشتا ولملم بواقي الكلام
جوه البيوت زيطه
قلوب ماليها الوئام
ورميت ف حضن الليل
حفنة من الماضي
قلوب ماليها الويل
تسهر علي الفاضي
دخل الشتا وقلبي لسه عليل
غرقان ف أوهامه
مش لاقي أحلامه
تاهت مع المطرة
لا سعفني قلبي اللي انجرح
وهانت العشرة
دخل الشتا ورص الورق كراكيب
حتي السلام خجلان يمد الايد
ما لقيتش من كل الوعود غير زيف
ووداع يمرر كل اوقاتي
صبح الشتا بعد الونس واللمه
وايد بتحضن بعضها بالضمه
مطرة فراق غرقت عمري
التعليقات مغلقة.