السراحه بتقول و حشاكي بقلم أحمد زيدان البلياتشو
السراحه بتقول و حشاكي
و صباع الروچ كمان مشاق لك
كل ماهوب عند مراتك
بتعكس شبهك
البرڤان معلق رحتك
و رغم الحب الساكن فيا
و رغم عذاب مسلسل يومي
ورغم همومي في بعدك عني
بس كرهتك …
و لذلك سبتك
ياه ع الدنيا خرم في ابره
ناس بتخون و روحها مكابره
وناس ف الجرح عايشه و صابره
ببدا يومي بشوق ملعون
بشتاق و بغير احساس مطحون
اسرح وهله ….
الاقيني في سهوه
فنجان قهوه….
بن محوج
فار علي نار ….
زعابيب و غبار
طقس مزاجي ….
ضمير متعوج
حتي الراديو بيهتف اسمك
و الإذاعات كلها بتسقف
غدر مثقف
وانا من جهلي بشتاق لسه
حابس روحي ف مليون حبسه
مع كراكيبك
معسكر حرب …. كردون شائك
كل ما قلبي ينبض نبضه
يقوم متجرح
وانا متناقد …. بحبك لاه
جواب مش مقنع
فيا بحبك …. بس كرهتك
حابس روحي جوا الشقه
و الكوالين كلها مفتاحك
وطبيب نفسي معالج ليا
قالي مفيش امل تنساها
عشت ف حضن الذكرى الباقيه
ورغم حطام الحرب العايشه
لسه بحبك …. ايوه كرهتك
و اللي ف قلبي اكيد مش شبهك
التعليقات مغلقة.