لو كنت أمير
بقلم شيماء عادل
لو كنت أمير من أمراء الحواديت
كان قلبي رسم حضنك بيت
كنت طفيت كل الانوار
وعيونك تبقا النور للبيت
كنت أمرت العالم كله
يجمع حب الدنيا ف كفه
وكنت بحبي لوحدي ف كفه
من غير اي غرور طبيت
لو كنت أمير من أمراء الحواديت
كنت جمعت رموش الخلق
وانسجهالك خيط من قلبي
تصبح عود مليان الحان
كنت أمرت العالم اجمع
يزرع لك م الفرح جنان
كنت حبست الدمع في عيني
وما تشوفنيش غير وانا فرحان
لو كنت أمير من أمراء الحواديت
كنت حضنت الدنيا عشانك
ورميتها ف قلبك بستان
التعليقات مغلقة.