يارب بقلم شيماء عادل
انا مش ملاك ليا جناحين
ولا قلب رافض للحنين
انا زي كل الناس بعيش
بشتاق واحن
انا قلبي جَن
انا كل نبض ف قلبي حَن
وبلف ويا الليل والقمر الحزين
عشمان الاقي الضل ف نجوم السما
يا قلبي سيبك م الليالي اللي سقطو ف قعر فنجان الوجع
قلبك شبع
حالف عليك مليون يمين
تمد ايدك للوجع
الدمعه لو للشوق
بتحضن جوه منها ماضي عدي وله سنين
بتعيد ليالي الحب والقمر الحزين
الدمعه لو للشوق
بتزيد م العناد
بتلف بيك ليالي ف دروب الوجع
وترجعك حاضن بواقي الصبر
ف جيوب الكفن
شامم من الايام روايح عفن
ماتت حكايات السنين
اتكفنت وبكلمتين
قفلت على الاوجاع بيبان
العمر هان
والصبر عمره ما كان نجاة
الصبر لملم فرحة الأيام وبواقي الرضا
وزع عليهم حفنة من دمعي
التعليقات مغلقة.