اول سِلمه …
بقلم شيماء عادل
اول سِلمه
الطريق مكسور فيه اول سِلمه
والباقي متوقف على عمرك المهجور
الصف كان أوله نص انبساط الروح
ونهايته روح بتروح
من لهفة الاشواق
العمر ياما اشتاق
لعيون بتدبحنا
ارمي العسل ف السم
ساعه ما تهجرنا
قلبي الذليل بقى حر
واواعاك تعشمنا
نقطة رجوع للخلف
بتضًيع اللحظه
جبروت حنينك ضيعك
وقت اما ضللته
مستني قلبي يسمعك
بعد اما هجَّرته
الصف كان أوله قلبي اللي مختارك
مستني اعذارك
تلمس بواقي الحب جوايا
خطيت بأيدك عمرنا اللي جاي
مَسْكْْت قلبي جمرة الاشواق
وحضنت فيا كل لحظة حب
فضيت حناني بكل جبروتك
ونزعت مني كل طيبه قلب
رخصت عمري وياريت ما حبيتك
الصف كان أوله
لحظة وداع مُره
وانا لسه بتحليَ
بضميرك المغشوش
التعليقات مغلقة.