حعيش مرتاح …
جمال زكي عينر
حعيش مرتاح ومن غيرك
ده في زيك كتير غيرك
بيتمنوا رضا قلبي
ساعتها حتبكي على حبي
يا حسرة عليك وآه يا ويلك
من اللايمين ومن قلبي
ومين قال لك انا بدونك
حعيش محتار ومتعذب
دي اوهامك ودي ظنونك
على العشاق داير تكذب
كفايه العيشه في الاوهام
وانا لا بلوم ولا بعتب
خلاص انا تبت من بعدك
عن العشق وعن العشاق
ولا فاكر في يوم حبك
ولا ببكي ولا بشتاق
خلاص ارتحت م الحيرة
في يوم القاك وبعده فراق
حعيش وحدي انا وقلبي
وفرحي وجرحي راح اخبي
واحكي له ويحكي لي
ويسمع مني مواويلي
ومش هاحكيله عن ظلمك
ماهو عارف ماهو قلبي
ولو فكرت من تاني
اعود تاني لا انساني
مانش ساذج عشان ارجع
لغيري في الهوى اخدع
ده انا اتعلمت م الأيام
ادوس على قلبي واتمنع
بقلمي الشاعر جمال زكي عينر
التعليقات مغلقة.