شياطين الإنس …
جمال زكي عينر
ليه بتوقع بين الناس ؟
ليه دايما وسواس خناس ؟
ليه تتشائم لما تلاقي ؟
بين الناس حب واخلاص
ليه مخاوي دايما إبليس ؟
تجري عليه وتقول يا مغيث
واما تلاقي اتنين في نزاع
تضحك اوي تفرح وتهيص
فرح جيرانك .. بيبكيك
ونكدهم .. بيملي عينيك
يفرحوا تحزن ، يحزنوا تفرح
الحب مخاصم اراضيك
ليه ملهوف دايما ع الشر ؟
تفرح لما اخوك ينضر
تتباهى دايما بأذاك
ما بترساش ابدا على بر
رب الكون سندي يا معين
ع الاشكال دي كن لي معين
مش انسان ابدا ده شيطان
من شياطين الإنس لعين
بقلمي الشاعر جمال زكي عينر
التعليقات مغلقة.