حبه حبه دا العمر حبه
بقلم أحمد زيدان البلباتشو
حبه حبه دا العمر حبه
اللوم محبه
بلاش ف حبي تستهجى
ذاكر موده
ع الله النصيب
حتي لو أنه خاب يخيب
لحظه بس استني اسمع
كل راحل ساب علامه
كلمة وافقه جوا حلقي
مني ليك مليون سلامه
كسر الخواطر دين ، و جبر الخواطر زين
قدمت لك سبتي غدرت يوم لاتنين
علي ايه تسيب الحد ، ما جدار كبير اتهد
كانت فداك روحي
زودت لي جروحي
كرهت فيك نفسي
وعليك هقيم الحد
كفرت ليه بيا ، بدلت ليه شرعك
خيبت ليه ظني ، غيرت ليه طبعك
وجعتني في ذاتي ، حطمت ليه ذاتي
ضيعت ليه عمري ، طب اسمع الآتي
كنت بحلم بيك و لكن !
كنت حالم اني ساكن !
كنت راضي و براضي
و الهم مش راضي
كنت بتالم وساكت
فجاه ليه اتغيرت كل الاماكن
كنت هدي اللعب حبه ، كات هتبقي البصله وره
طب افكرك يوم التلاقي ، يوم ماكان الحب باقي
ولا اقلك مشتاق لقربك
ولا ابجح ف المشاعر
ملهوف عليك ، ناقصني حضنك
ياااااااه !
دنا والله كنت ساذج ، اهبل عبيط خايب
حبل الوداد موصول ، لكنه كان دايب
كاس و داير ع الحبايب
كنت فاكر لما قلت اني بحبك
لما كنت زمان حبيبك
لما كنت بعيب عليك ، تبوح ب نقصك
كملت لك روحك
بدلت ليه قولك ، و جعلتني مغصك
كنت سيب الحلم حبه
دى الروح محبه ، الله محبه
التعليقات مغلقة.