دنيا للسقوط آيلة بقلم جمال زكي عينر
بحبك حب ملوش آخر
وجى معاك من الآخر
ولما آجي في يوم قربك
تقوللي ابعد كده اتاخر
مفيش حاجة تاثر فيك
كتيري قليلي ما بيكفيك
ولا فارق معاك حبي
ولاحتى الحنان يرضيك
مليت بالقسوة كاساتك
ومالي الحزن اوقاتك
ولو ضحكت لك الدنيا
تعيش انت بآهاتك
وصورة حزن مرسومة
وضحكة حبيسة مكتومة
وجي كتير على نفسك
دي آخرة دنيتك نومة
ومش راح اعيش انا ف خيلة
وقصة قيس مع ليلى
وايه يغصبني ع الحيرة ؟
في دنيا للسقوط آيلة
فاكرني حعيش في احزانك ؟
او اخسر روحي علشانك ؟
لو انت ف يوم نسيت ارضي
نسيت انا كل اركانك
التعليقات مغلقة.