عنوان ديوان
بقلم أحمد إبراهيم النجار
حبة سلام فوق اللسان
حبة غرام متشوّقين
بين السنين مكتوبين
حبة غيلان متجمّعين
عنوان ديوان دم الغزال
وبأيد شيطان متحنّين
حلم العبور من الف سور
والنور ضرير محتاج دليل
عنوان ديوان
بين الخرايط ف الجرايد
وتحت اعقاب البيبان
مكتوب سلام حروف خطوط
ع الجدار والليل شديد
محتاج لشعلة من نيران
رعشة ديوان
وقعة الحروف متلغبطين
سن القلم
حيران على كل السطور
وازي ينول
حبره اللى نازف بالدموع
ممنوع ياحبر ع الورق
ده الليل طويل
من الف عام متلغبطين
كل الحروف والخوف
ظروف وقرار عقيم
مجلس طبالي
من عسل وبالفطير
مرسومة عين
فوق الجدار متشوّقين
كل الغيلان متجمّعين
حفلة شذوذ
والجوع طقوس المحرومين
عريان لائيم واقف زليل
ساجد وحاضن الورق
اكتب ميثاق
وارقص هناك كل انتهاك
حقوق بريئ
محتاج فتات من اي شئ
بس الغرام
مش للمخلصين او للجريئ
هتعيش جبان حاضن سلام
مكتوب على عنوان ديوان
حبة كلام متقسّمين
اركع تنول حبة عسل
بين التراب مد اللسان
والحس كمان
حبة بنود متوسّخين
واشرب وعود حبة بنود
والفرح صوت المشتّقين
حبة غرام والليل جبان
حتي الكلام مالهوش وجود
طالت ساعات
والبرد حاضن الجزوع
مصلوب يا جوع
مكسور ضلوع
كل اللي فات
عابر طابور والنور شموع
متفرّقين كل القبور متقفّين
فيها الحساب
من اي باب حابب تفوت ؟
جوة الديوان حبة بنود
وكلام غريب تايهه العقول
ازاى اكون هامش على طرف الديوان؟
ازاي اقدّم شالي ليهم والعقال؟
ازاي ابيع القدس واكسر صوت اذان؟
ازاي اعيش واحد خاسيس
كمبرس على خشبة تاريخ
كاتب مجازر صبرا وبحر البقر
كاتب جولان حبة غيلان متجمّعين
متشوّقين وبايد شيطان متحنّين
حبة سلام متوسّخين
حبة غرام للمجرمين
هتعيش يا اقصي بالاذان
هتعيشي لينا يا فلسطين
بقلم الشاعر المصري أحمد إبراهيم النجار
التعليقات مغلقة.