ليه نفكر في اللي فات …
جمال زكي عينر
ليه نفكر فى اللى فات ؟
اللي فات اهو راح وعدى
ليه نعيش في الذكريات ؟
راح نعيش يومنا النهار ده
حتى برضه في اللي جي
ما نفكرش حيبقى ايه
رب الكون دايم وحي
يبقى هنشغل روحنا ليه ؟
راح نعيشها يوم بيوم
والحياه راح تبقى احلى
ليه نفكر كل يوم ؟
ليه نخلي الدنيا كاحلة ؟
بس مش قصدي التواكل
قصدي والله التوكل
مش نعيش نشرب وناكل
بالدعاء او بالتوسل
الحياه عايزة الكفاح
عايزة عزم وعايزة صبر
وعشان تضمن اي نجاح
سيب الأمر لصاحب الأمر
بقلمي الشاعر جمال زكي عينر
التعليقات مغلقة.