مشاعر…شعر عبير عبدالمنعم

لما تتبدل مشاعرك..
يملكك كده شيء غريب
من غرابته تلقي نفسك
نسخة باهته وده العجيب..
لما تتبدل مشاعرك..
تبقى حالة من كسور
افتكر بس أن صدفة
الزمن خلاك تدور
الأماكن هي هي
والقمر والبحر شرحه
بس جواك انت حالة
رافضة مرة إنك تثور
ع اللي جارح طعم راحتك
واللي مش عجباه صراحتك
واللي فاكر إن ساحتك
ناقصة جرح ف الشعور
صحي قلب الصبح فيك
وانتظر شمسه تلاقيك
لما تتبدل مشاعرك
تسمع لها مية الف حس
الف منهم طوق حنين
يترسم من قلب حس
لما تتبدل مشاعرك
ابقى قولي أنت فين
في الدموع المرة ولا
ف ضحكة حلوة جوه نَصْ