لو يصادفك بقلم سامح لطف الله
أنا أقولك تعمل ايه
تعمل إيه؟
تمسك الأشواق بحرقة
وتناديه
ولما كل الدنيا تسمع
هتلاقيه
جوة حضنك يطفي شوقه
ويواسيه
أيوة طلِّي جوة عينه لو لثانية
تفهميه
ينكتب ف العين وتقرا
وتلاغيه
والجفون تنزل تغطي
وتداريه
تنطق الدنيا وتصرخ
روحي فيه
والورود جوة الجناين
بتحاكيه
اللي يا ابني يصادفه حبه
ويلاقيه
كل مال الدنيا يصغر
بين ايديه
يزرعه ف القلب وردة
ويراعيه
التعليقات مغلقة.