مهموم بنص الفرح
بقلم شيماء عادل
مهموم بنص الفرح
وعيون من كلام
نبض ووريده انفتح
وايدين ترد سلام
شابك عيون الموج
يتمني ليها وصال
رد الهوي مخنوق
غنوة فراق تتقال
قادر يعود الحلم
قلبي ماهوش جاني
لحظه ما طال الليل
مزغ ف شرياني
قلبي اكتفي مواويل
بكفايه يا زماني
يا ضميري متواعدين
عل الجرح ف الاخر
متجمعه الزنازين
و ف قلبي بتعافر
مين اللي جرحك مين
والجرح كان كافر
حالف تبص لفوق
والنظرة تلقاني
يا محدفين قلبي
والبحر سجاني
ده انا كنت بتمني
انهار من الفرحه
وحكايه م الجنه
بحروفها مش جارحه
دي مطيبة الاوجاع
كل اللي خان او باع
معرفش معنى النور
لحظه ما شاب العمر
انا جرحي كان المهر
لحظة ما قالو وداع
التعليقات مغلقة.