ف عيد الحب
كلمات السيد حسن الدمنهورى
ف عيد الحب
( هو )
ف عيد الحب اهديلك
جمال الحب
وجيت علشان اغنيلك
معانى الحب
وفرحه لقلبى مع قلبك
بأجمل عيد
حافظ يارب عليه بارك
بعمر الحب
ف عيد الحب
( هى )
انا قبلك مشفت احباب
كان الحب عندى سراب
انا وانت دخلنا فى باب
بدايته معاك عمر الحب
ف عيد الحب
( هو )
معقوله اوصفلك جمالك
وانا ماشفت يوم مثالك
احلا دلال شفته دلالك
شجرة وداد بقلبى حب
ف عيد الحب
( هى )
عمرى معاك أمان بسلام
زادى رضاك هوايا غرام
ولما اعطش بلاقى قوام
احلا شراب بكاس الحب
ف عيد الحب
( هو )
باقول للاهل والأحباب
حيفضل حبنا دا شباب
وفاتحين للمحبه الباب
يقول أهلا بعيد الحب
( هى )
وانا وياك ف حلم سعيد
عهدى معاك تمللى جديد
واصون ودك وودى يزيد
ونفرح كل عام بالحب
ف عيد الحب
التعليقات مغلقة.