مربعـــــاتي .. حيــــــاتي ” الساقيه غاويه “
بقلـمـي الفـــلاح الفصيــح مـعــــــوض حلــــــــــمـي منشــــــأة بطــــــــــــاش
تـمـي الأمـــــديــــــــــــد دقـهـلـيــــــــــــــــــــــــــه
يمم حرفـك شطر الفكره
واسترضـيها مادام للنـور
لاجل الجيل الطالع بكره
يزرع بيهـا الأرض البـور ..
ويجيب لينا اللقمه حلال
زرع إيديه يخضر سنابل
طالت بينا الغفـله ياخال
طقت فينا الحسره قنابل ..
الفــيروس دايـر بيطـوف
برتـع فينا وعـدى وداس
عبى قلوب الناس بالخوف
وبيسقـينا مــرار الكــاس ..
كنـا زمـان بننـقي كلامنا
كنا زمان في اللمه اخوات
كنا ننام نحضـن أحلامنا
واتفـرقـنا بقـيـنا شــتـات ..
يرحم زمانها ستي حمده
والمـدره ومكنـة الـدراوه
وكل ناس الكـفر حـامـده
واللمـــه والقلـب الطـراوه ..
كـان غـدانا في الأراضـي
جبنه حادقه وكوم سىريس
والجـراب م الغـل فاضـي
واحـــنا بنلـــم الـدريــــس ..
الساقيه غاويه وبيرها عامر
وعـــــم عاشــــق للمـــدار
ويا الجاموسـه داير يعافر
لاجــل يـروي لنا الخضـار ..
كنـت باســرح ويا خـالــي
وويا عـمي كتــير ساعات
كـل واحـــد قـال ياحـالي
دلوقـتي كـتروا الشماعات ..
كان أدبنا في المدارس
المـدرس شــاف ضـمــيره
ربى جيل لبلاده حارس
واللـي دارس عـبى خـيره ..
كـــنا زي مـلايـكـه بيــض
لما شـوفنا زمانكوا توهنا
معـادش إيـد بتـشـد إيـد
لـف راســنا لـمـا دوخـــنا ..
ـــــــــــــــــــــــــــــــــــــــــ
التعليقات مغلقة.