قلبي م الوجع سلم …
بقلم شيماء عادل
ببعتر خوفي على الايام
وقلبي م الوجع سلم
وبتنهد ف حضن امي
تطبطب خايفه تتألم
وتحضن فيا اوجاعي
تقويني
بتشحني بقوه بين شراييني
تغذيني بطاقه من الايمان
لجل اما اتحمل
وحضن الارض مش دافي
ماهوش كافي
ما انا مش لاقي مجدافي
عشان ع البر اكون راسي
يا دمعة امي ضميني
تلاقيني أعود اقوي
ما انا بقوى
بحضن امي
ولا عمري اخاف الموت
يا حضن بجد حاميني
من الاوغاد
التعليقات مغلقة.