الحلاق عامل تسعيرة…
سامي عبد الباري
الحلاق عامل تسعيره
شعر وذقن طويلة التيله
لما يشوفني بيضرب بوز
وبيربطلي ايديه بجبيره
على شان قولت في مره يارائع
هدفع كام على شعري الواقع
م التفكير او شرب الساقع
وانا مش جاكسون او بضفيره
قال لي ايجار مرفوع وضرايب
لم الدور خلينا حبايب
انا مش والي بعين في زكايب
احنا بتوع القبض العيره
الحلاق عامل تسعيره
شعر وذقن طويلة التيله
لما يشوفني بيضرب بوز
وبيربطلي ايديه بجبيره
يحكى انه ولسه بيحكى
كانت الحلاقه ببيضه وكحكه
اسطى ومتفرقوش الضحكه
ثم نعيما كلمه اخيره
اما الوقت يجهز موسه
كله يطلع يابني فلوسه
وانا عن نفسي هصلحه وابوسه
قبل ماتبقى ولاده عسيره
سامي عبد الباري
التعليقات مغلقة.