بكره اللي جاي …
بقلم شيماء عادل
بحلم اكون بكره اللي جاي
افرش ورود على كل حي
ارسم معاني الفرح
على كل الوجوه
اربط بخيط السعاده
فرحة على كل دار
أفضل نهار
يرسم خيوط اللقا ويا الأحبة سنين
الصبر للمغرمين
طلت عيون الفجر
تسحبني وياها
اروي الصباح بالذكر والتسبيح
وانثر بواقي العشق على الايام
وامد ايدي تمسح
دمعة المظلوم
واكون في يوم
صبر ف طريق الوجع
واكتبني ساعة صدق
لحظة طلوع الروح
واخد الآمال بالحضن
واسرح منين ما تروح
والقاني حبة نسيم
تشفي القلوب وتبوح
انا نص نبض الهوا
يحييني ف سعاده
الدنيا محتاجه
تضحكلها سِنه
تلاقيها فارده الورد
ورموشها تتحنا
بسعاده تملي الكون
التعليقات مغلقة.