سلمت الدنيا جناحي بقلم مسعدالبحراوي

لقد سلمت للدنيا جَناحيَّ
قبلت بأن أكون الماشي ع المَيـ!!
خيال سرحان في دوح عطشان
وحلمه يكون صحيح إنسان
سليم الطبع والنيه
بيصحى الصبح يشجي إيمان
ويضحك ثَغْره م الروقان
يقع في غرامه نور وحنان
تحرك روحه أمنيه

يشد العود ويتوكل
يصيد ارزاق بمجهوده
ويلمح اسمه متسجل
في دفتر صبره ووعوده
فيفتح صدره يستقبل
حياته بعزفه على عوده

بسيط جدا ..دا يتحقق
وكله يادنيا شايفه بسيط
شفايف الروح بتتشقق
وريقها بيجري بالتنقيط
ياريت تنقيط مريح
لكن
دا تنقيط جاي بأضحيه

ومازلت وهزال حيا

وهبني ابيات سنين جايه
لناس بقلوب وروح تانيه
عقولهم تلمح الأبيات
فيقروا أمان وحنيه
أنا الدنيا
لاقدرت تلوي يوم ايدي
ولا وريدي
هينضب منه نبع الشوق

ياواهب لي عُلا جيدي
وقلب رقيق بيهوى الذوق
تكمل سِتري على سَتري
وثبت نوري ف عنيا
لقد سلمت للدنيا جناحيّ
بدون أضغان ومِناحيَّه