فى دوار العمدة الحلقة ” ٨ ” بقلم : إبراهيم محمد قويدر
الجو قيظ والحرارة لا تطاق والعمدة يتمدد على كنبة والمروحة على الثالث ويسند رأسه على مسند .
فجأة سمع هرج ومرج وصراخ وعويل ، نظر من الشباك فلمح مجموعة من النساء كلهن يتشحن بالسواد وهن يحملن ست الحسن زوجة عصعوص المدق وهى سايحة فى دمها ويضعونها على المصطبة أمام الدوار .
نزل العمدة يجرى وبدأ ينادى على حسانين ابن حسنية شيخ الغفراء.
أنت يا زفت يا إللى اسمك حسانين ايه الغلبة إللى قدام الدوار دى .
حسانين يرد : شلابية زوجة شنبو ضربت ست الحسن مرات عصعوص المدق بالعصاية على نفوخها وفتحت رأسها ونزلت فوقها وقطعت حته من ودانها وقرطت الحلق المخرطة.
العمدة يرد : كل ده يحصل وأنت نايم على ودانك يا بجم وفين الغفراء وإلا مسرحهم يشتغلوا علشان تقسم معاهم
عموما أما نخلص من المصيبة دى انا ليه تصرف تانى .
العمدة يطلب من النسوان توسع علشان يشوف ست الحسن
ايه إللى جرا لها .
فى الحلقة القادمة نكمل معكم الحكاية من داخل دوار العمدة
ونشوف العمدة ح يعمل ايه .
التعليقات مغلقة.