عاوزة أنسى..ـ
قلم أسـمـاء الـبـيـطـار
عاوزة أنسى كل أمس كسر جناحي و هد روحي من جوا
عاوزة أنسى كل غدر و نبرة صوت و ملامح خلت روحي متنية
عاوزة أنسى كل كلمة ما خلتش مكان للكُحل في عنيا
عاوزة أنسى طعم الدمع اللي مرر حلقي ، و عُمر من الأسية
عاوزة أنسى حاجات كتيييير بيسخف بيها طول الليل عليا
عاندت الليل
و سرحت فيهم مش فيا ، و نسيت نفسي .
و إفتكرت إن مالهمش غيري .
ماشية بنص قلب و نص عُمر
و النص التاني ليهم مش ليا
و لقيت جوايا تلت قلوب محتاجين كل اللي باقي فيا
نفضت سواده
و صلبت روحي
و رسمت الضحكة في عنيا
قصقصت جناح الليل
و صاحبت الشمس و ساعة البدرية
و سِبت روحي تسرح في صفا الصُبحية
و تشم عبير الأمل في وردة مندية
و طير سارح في السما بيسبح و هو فيه ما فيا
و لملمت
خيوط
الشمس
و غزلتها طاقة نور لو طال يوم الليل تاني عليا .
مُجرد خاطرة .
التعليقات مغلقة.