داري ياقلبي الوجع بقلم حسين أبوسيف
داري ياقلبي الوجع
واضحك وعديها
وخبي جواك هموم
ربك عليم بيها
تلاقيه يساعدك
ويدي الصحه والقوه
طول عمري مغلوب
لناسي
واقول لهم سلامات
أضحك وكلي ألم
وضحكتي أهات
واللي هينصف عباده
يوم الحساب هوه
أبكي على دمعتي
متكحله بسواد
وامسح بمنديل مورد
دمعة الاحفاد
واقفل مابين الجيلين
الفجوه والهوه
أشكي المواجع لمين
يارب صبرني
داللي هيعرف حقيقتي
مش هيعذرني
شمتان بطعم الزعل
والعبره من جوه
يارب صبر قلوب
شاخت وهي شباب
وأوهب لها من رحابك
رحمة يا وهاب
واختم لنا بالسعاده
يا مانح القوه
التعليقات مغلقة.