الفجر شقشق شعر حسين أبوسيف
الفجر شقشق ع الجدعان
ماسكين ف أيدهم أجنه وكاب
سايبين نكدهم للكسلان
راميين حمولهم ع الوهاب
عايشين ف عز وركن أمان
زي الطيور طارت أسراب
من أرض سينا لباب أسوان
لاخوف ف بالهم ولا إرهاب
رجاله شغلتها البنيان
متوكلين فاتحين الباب
لاعمرهم ظلموا الغلبان
ولاغيروا ف يوم الدولاب
ولا بصوا ف رزق الشبعان
و لاعمرهم قصدوا الاعتاب
بمدحهم نطق القرآن
والكل واخد بالأسباب
يارب تفرج ع الشقيان
اللي ملوش غير بابك باب
التعليقات مغلقة.