المش غاوي…شعر مسعد البحراوي

الناس خلوني في جلدي بموت

لمحوني بعدي الصخر وافوت
قالوا لازم جلدك يتاكل

فرضين الصبر ف يحيا سكوت
ويموت النبض على الآجل

مسكينه الروح خلوها روبوت
متبرمجه بتحل مسائل

يا قلوب بتزغرد للهلفوت
و المخلص دايما بيقاتل

خليتوا الفرخ فقس كتكوت
نقَّر جناحات سربي الزاجل

وخطوط الطول والعرض تابوت ْ
مبقاش جواها أي فواصل

الدنيا بترقص بالنابوت
فوق روسنا وبردك بنواصل

فسيبونا نعيش جوه الملكوت
ضرب القلوب مش بالساهل
‏
عمري اللي طرح على شجر التوت
ورواه دعوات قلب السائل

أمله ان هواه على فرعه يفوت
ويدوق اطياب شهده السايل . .

ياسواقي العشق المش مكبـوت
اياكي تِـفُـضيها رسايل
إياكي تِفُـضيها رسايل