أوبريت من أفراح ريف البحيرة كلمات الشاعر السيد عتش الدمنهورى
كورال :
البيت والعيله
بيغنوا
اجمل ألحان
بيعيدوا الفرحه
اللى عاشوها
ف ليالى زمان
وقلوب الكل
شموع قايده
تهدى الحيران
وحبايب جم
هنوا وباركوا
لعريسنا كمان
مبروك يا عريس
الفين مبروك
وكمان عقبال
اختك واخوك
وجيرانك جايه
بتشارك
وتهنى معاك
امك وابوك
والصحبه جميله
قوى الليله
وحتيجى
عروستك ويزفوك
ـــــــــــــ
فتاة :
متقولى يا خاله
يا ام حسين
عروستنا الحلوه
جايه منين ؟
ـــــــــــــ
ام حسين :
عارفين يا بنات
عروستنا منين ؟
من ابوالمطامير
منتوش عارفين
ـــــــــــــ
كورال :
أيوه يا خاله
ماهى جنب
الحوش
وحداها كمان
كفر الدوار
ورشيد حجرها
كان منقوش
عليه لغة
كلها اسرار
ـــــــــــــ
فتاه :
ف المحموديه
خالتى هناك
ف الرحمانيه
كمان خالى
تيه البارود
اسم بلدنا
على الزراعى
الطوالى
ـــــــــــــ
فتاة :
من كوم حماده
جونى خطاب
وكان ليلتهم
هنا وسرور
لكن العريس
ومعاه احباب
ف وظيفه حلوه
ف دمنهور
ـــــــــــــ
فتاة :
ما انا اختى
ساكنه
ف ابو حمص
ياللا يا عريس
نفرح نرقص
ـــــــــــــ
كورال :
هيصوا يا ولاد
هللوا يا ولاد
زغرتوا يا بنات
اسقوا الشربات
دى عروسه
جميله بتتمختر
جايه ومعاها
التوب اخضر
وشموع الفرحه
حواليها
والريحه كمان
مسك وعنبر
ـــــــــــــ
الأم والأب :
حسنين
ماتيلا ياروح
قلبى ونوره
دى عروستك
بدر ف ظهوره
ف إيديك
قدمها
يا حسنين
وقابلها
بأجمل شوق
وحنين
ـــــــــــــ
حسنين :
أهلا ياعروسه
ومرحبتين
ياما عشت استنى
شهور وسنين
ف عيونى
الفرحه
بقدومك
عقبال بكارينا
يا نور العين
ـــــــــــــ
الزفة :
آدى العروسه
جات
اسقوا تانى
الشربات
وعريسها
حيعيش وياها
حيعيش ف تبات
ونبات
والكل الليله
بينادى
متصلوا يا عالم
ع الهادى
والرب يبارك
فرحتنا
ويديم السعد
على بلادى
ــــــــــــــــــــــ
التعليقات مغلقة.