الحـال مـن بـعـضـه
بـقلم أسـمـاء الـبـيـطـار
اتكلمنا قبل كده عن سبب تأخر سن زواج الفتاة و قُلنا إنها جزء من الأسباب دي .
بس انهاردة بقى هنتكلم عن اسباب تأخر سن الرجال و دا موضوع مش بسيط على فكرة لأنه بيترفض كخاطب بسبب إنه في اواخر الثلاثين من عمره أو في أول الأربعين .
بس ما سألناش عن سبب تأخره لهذا العُمر كتير من الناس بتاخف على بناتها و بتاخد عنه للأسف فكرة سيئة و دا تقريباً الفكر السائد
عند معظم الناس أنه زي ما بنقول عفواً لف و دار كتير و عاوز يستقر بقى .
بس على فكرة في حالات بيتأخر سن زواجها لأسباب عائلية أو شخصية في ناس بتبقى العائل الوحيد للأبوين أو احدهما فبينسي نفسه وسطهم و العُمر بيجري و ما بيحسش بيه و بيبتدي يدور على نفسه يمكن بعد وفاتهم .
و في منهم بيقولك اكون نفسي الأول و ادخل مرتاح من الديون
و الأقساط و و و بردوا نفس الشئ الدنيا بتاخده
و في منهم ناس بتحجم عن الزواج بكامل إرادتها للأسف الشديد لانعدام الثقة في كل البنات بسبب هذا الأنفتاح الغير مسبوق للفضاء الخارجي و يمكن لبعض تجاربهم الشخصية اللي خلتهم يشوفوا الكل بنظرة واحدة و دا من اخطر الحالات على فكرة لأنه بيفضل بحالة انعدام الثقة دي حتى بعد الزواج .
بس اكيد الرجل لازم يبقى مقدر الوضع و اكيد في بنات مناسبة لسنة
و بلاش الشروط اللي بيحطها البعض و يقول عاوز بنت في الخامسة و العشرين مثلاً و هو تخطي الأربعين .
اكيد الحال من بعضه يا جماعة و اللي موجود في جيل البنات موجود في جيل الشباب .
فبلاش نقول لبعض كلام يجرح زي دا كبير و عاوز وحده تمرضه و الكلام اللي يوجع دا و بيبقى أثره على البنت اكبر على فكره لما يبقى الحال العكس و هي اللي سنها كبير .
الدنيا مش كده للي يقدر حقيقي الحياة دي .
التعليقات مغلقة.