رمضان
بقلم
شيماء عادل
رمضان يامجمع كل خلق الله
وياك نعيش الفرح واللذه
نعشق عيون الفجر والزيطه
وريحة الجنه
نلقاها ف التراويح
والذكر والتسبيح
وعيال تلف ع البيوت بفانوس
فرحانه انه زارنا احلى عريس
ونصوم ونعشق لمة الاحباب
حتي اللي غايب عنا دق الباب
ورجعت لينا باللمة من تاني
والله بعوده ورجعت يا رمضان
احكي لعيالي عن فضل شهر الصوم
وروعة الصحبة لحظه قيام الليل
و ذكرياتنا تعود وياك بأحلى حكاية
مين فينا ما يصومش مهما يكون سِنه
انا فاكره يوم انه
حدفت ابني بطوبه ف العصرية
وسألني ياما جات منين دية
رديت وقلت رمضان بعتهالك
زعلان على فطارك
عايزك من الصايمين
والركع الساجدين
وان كنت يوم تفطر
يزعل عليك لسنين
حرمت ياما خلاص
هصوم لنص اليوم
ومره على مره
أصوم لآخر اليوم
واحس باللذه
وقت اما اصلي واصوم
التعليقات مغلقة.