أبيض و أسود…شعر أحمد زيدان

من الالوان اللي حبتها
ضمير الشمس في يناير
خوف بعض البشر منا لدخلة صيف
عن السقعه اللي لمتنا مع اول شهر فبراير
عن الناس اللي تتنرفز و فيها ضمير
قلوبهم گ السحاب ابيض هواهم طير
رساله باسم فاعل خير
‏ياريت فصل الشتاء يقرب
نعيد السهرة م الاول
و نتنهد علي امبارح
و نترجي في شوق سارح
و نتحايل علي بكره يجينا زى عامنول
نرسل مراسيل بالشوق مواويل
اااه يا ليل يا عين بحديث العين
في حديث العين المتبادل
اصدق م الحرف المتداول
الصدفه الباحة بدون ترتيب
نتقابل بالنظر العابر علي طرف العين
نسرح في الزحمة المتراكمة
علي خفت الضوء الإنساني
نتحدث في سنين الماضي
ما اجملك يا سنين
نعشقها في لحظات و ثواني
نحكي المواويل
علي هيئة نظرات بنعاني
علي متن قطار علي عزف جيتار
عبر الأوتار المنسيه
شد الأوتار المريخيه
‏من ‏كلمة متأسف جدا واحشني
ل ‏مُسكنات ف الامنيات
ما ابخلك يا ساعات
وما اجَملك يا سُكات
‏مش شرط اللي تحبه تنوله
في حاجات جوانا بتوجعنا
غمضنا عيونا ‏مبنشوفهاش
ولا شرط اللي تعوفه تعوزه
في حاجات ‏بالفطره بنتركها
علشان بالفرض متنفعناش

‏ ‏