فين صاحبي يا خال
بقلم شيماء عادل
الموت بقى جمله وقطاعي
ومافيش مسؤل بقى بيراعي
ذل. الايام
بيدوس ع الروح كده بسهوله
والله وبكيتي يا رجوله
تحت القضبان
الموت فرمان
بيقاوح ف السكة الفاضيه
بيخزن مستني القاضيه
فين صاحبي يا خال؟
مش باقي منه إلا بواقي
رجلين في بياده على القضبان
فين صاحبي يا خال؟
ملعون اليوم اللي حوجنا
لقطر الغلبان
بنموت ببلاش
ما بنحسبهاش
دا مافيش ف ايدينا الا بواقي
داسها القشاش
ودا واحد ايده خلاص راحت
والسعر بلااااش
فين صاحبي ي خال؟
كان جنبي وقاعد يحكيلي
عشرين يوم واقلع ال ميري
وما كملهاش
الصبر في بلدي والله بيروح ببلاش
التعليقات مغلقة.