فيلم قصير…شعر أحمد زيدان
كلنا ف الذات جوانا حاجات
و بواقي حبيب
نعمل لحظات و بنحكيها
و نقول دا نصيب
كلنا بالذات التدميري
راضين بالحرج
و متسألنيش عن مفاهيمي
مفاهيمي دا حاجه مبتخصكش
كلنا بنحس أننا مجاريح
بنحس أننا رايحين جايين بس ف توهه
دوشة افكار ، زحمة احلام
عايشين افلام ابيض و اسود
كلنا ع الماضي بنتعكز
أو ب التعبير الإنساني ، كلنا ضايعين
خلف الاسوار المبنيه بسوء النية
داخل حكايات محفورة في هيئة بردية
كلنا تايهين عبر الأقمار الصناعية
كلنا ف الذات جوانا اهات
و كلام يوجع
نعمل حكايات و نصدقها
بنعيش الحزن بكل ضمير
و بنلعن فينا الطيبه كتير
الملفت للنظر العابر
هو الاحساس المتكرر
مجروح من ايه انت وهيه
ادوني للحزن مبرر
التعليقات مغلقة.