الاختيار الجميل…بقلم جيجي حافظ
اوع تفرح بالشكل والمنظر …اختار الاصل وبعدين اتمنظر
اختار البيت اللى فيه الجدة والجد شئ مقدس ورعايتهم شئ اساسى
اختار البيت اللى فيه البنت بتشوف باباها او ماماتها بتخدم والدتها او والدها او حماها او حماتها بكل اهتمام مهما تدهور بيهم الحال ..
الاصل هنا من شب على شئ شاب عليه …البنت الاصيلة اللى تشيل وقت الشدة اللى تسد وقت الحوجة ……. اللى لو مش هتقدر تقدم شئ معنوى تعين زوجها على بر اهله ورعايتهم فى كبرهم اللى تهدى من غضبه ضدهم ان حدث اللى بتركن كل المشاكل على جنب وتقف وقفة ولاد الاصول.. بجد الانسان ضغيف جدا قدام المرض والفقر واى إبتلاء، محتاجين لاولادنا واحفادنا فى كبرنا علموا اولادكم ازاى يختاروا ولاد الناس الاصيلة المتربين على القيم والمبادئ ….صدقونى احيانا …واحيانا كتييييير بتبقى مرات الابن و زوج البنت اقرب من ولادك (الابن والبنت) نفسهم بحكم المكان والظروف …اختاروا من يكونوا سبب لعونكم وعون اولادكم فى كبرهم …..
بجد احساس ان الزوجة مشاركة معاك مسؤلية اهلك ولو بالسؤال والاهتمام ولفت النظر نعمة من الله
الانسان المسن يصدر منه افعال وتصرفات وألفاظ ليس لها مقياس ولا ميزان …من يتحمل هذا ويفوته ويصون العشرة ويشيل الجميل محبة فى الطرف الاخر او لاجل الزوج او الزوجة ليس بأمر هين …. ولكن محتاج من هم اصحاب القلوب الطيبة المعطاءة المتربية على قيم معينة او اللى عاشت نفس الظروف وشافت والدها او ولادتها بتعمل كده ……وبتهتم بالجد او الجدة من الطرفين او بيحكى عنهم وعن برهم وبركتهم لاهل البيت لمن هم اصغر سنا …… فعلا اولادنا بتمتص كل تصرفاتنا وتظهرها وقت الحاجة ….فما بالكم بامتصاص الاخلاق الكريمة والتربية الاصيلة … مع ان هناك بنات لا تشبه امهاتهم …..ويعتبروا هم شواذ القاعدة …الا انهم مردودهم عند الغلط بتكون للام الاصيلة يمكن ان تصلح الاعوجاج ولو بعد حين
__ربى ابنك على اسس الاختيار تجد من يقف بجانبك فى كبرك ….
وانا انحنى لكل انسان غير مجبر على خدمة الغير ويفعلها من اجل العشرة الطيبة او التربية الكريمة او كرما للزوج او الزوجة ..
دمتم خير مثال لديننا ولمجتمعنا
التعليقات مغلقة.