شباك الذكريات
كلمات : محمد كسبه
في ليلة شتا عديت علي شباك الذكريات
في عز البرد قلبي الحزين دفيان بالآهات
بصيت علي شباك الحب والشوق و الحنين
و شاورت لحبيبي و رىسمت علي الهوا قلبين
ضحك حبيبي و اختفي و اتلونت في عينيا الدموع
من قلبي نزلت حبات المطر وانطفي ضي الشموع
في ضلمة الليل و البرد و المطر و صوت الريح
ضحكة حبيبي و نظرته بتنادي علي قلبي الجريح
و حبيبي ببغني في ضي القمر علي الشباك
وداع يا اجمل حبيب انا عايش علي ذكراك
يا ملاك تايه و ساكن في مدينة الحواديت
علي ناصية قلبي شباكك في اجمل بيت
في عز الليل بتهل نسايم الماضي اللي فات
و في الاحلام الشوق بيفتح لي شباك الذكريات
التعليقات مغلقة.